Махсус проектлар



АЧЫК СӘХНӘ

К.Тинчурин исемендәге Татар дәүләт драма һәм комедия театры татар театрлары арасында иң беренчеләрдән булып, ачык һавада спектакльләр күрсәтә башлады.

Әсәр. Тамашачы. Сәхнә

Әлеге проект кысаларында театр артистлары автор тәкъдим иткән әсәрне тамашачылар алдында күмәк укыячак. Соңыннан автор катнашында укылган әсәр буенча фикер алышу булачак. Пьеса укулар театр музеенда үтә.

Тинчурин театры+

Проект кысаларында театр тамашачылар белән яңа куелган спектакльләр буенча фикер алышулар, иҗат төркеме һәм спектакльдә катнашучы артистлар белән төрле кызыклы очрашулар үткәрәчәк.

“Go!”: квест

Тинчурин театры балаларда театр сәнгатенә мәхәббәтне төрле кызыклы мастер-класс һәм мавыктыргыч экскурсияләр аша уятырга омтыла. Театрыбызда мондый төр чаралар нәкъ шул уңайдан оештырыла һәм, һичшиксез, куйган максатларыбызга ирешәбез. Балаларның бик теләп мастер-классларда катнашуы, канәгать елмаюлар моның ачык мисалы булып тора.

Театральная няня

“Театральная няня” – Татарстан Республикасында гына түгел, ә Россия күләмендә дә иҗтимагый әһәмиятлелеге ягыннан уникаль проект. “Баланы кем белән калдырырга?” – бу сорау бик күп әти-әниләрне борчый. Безнең театрда махсус Тәрбияче эшли. Олылар спектакль караганда, балалар Тәрбияче апалары белән вакытны бик күңелле һәм файдалы уздыра! Безнең тамашачыларыбыз өчен әлеге хезмәт күрсәтү – бушлай! Яшь чикләве…

“Могҗиза”

Сәламәтлеге чикләнгән балалар өчен “Могҗиза” театр студиясе К.Тинчурин исемендәге Татар дәүләт драма һәм комедия театры директоры, Татарстанның атказанган мәдәният хезмәткәре Фәнис Наил улы Мөсәгыйтов инициативасы буенча 2019 нчы елның язында оеша. Әлеге изге эш Альбина Фәрид кызы Сәлимгәрәева җитәкчелегендә “Во благо вместе” инициатив төркем ярдәме белән берлектә тормышка аша.

Театраль Сабантуй

Республика театрлары Сабан туе «театраль» дип аталса да, программада традицион уен-ярышлар: кашыкка йомырка кабып йөгерү, гер күтәрү, капчык киеп йөгерү, чүлмәк вату һәм, әлбәттә, милли көрәш.

Республика мәктәпләре арасында үткәрелә торган “Ул кабызган утлар балкышы” конкурсы

Конкурс Кәрим Тинчурин исемендәге Халыкара милли драматургия театр фестивале кысаларында үткәрелә. Татарстан Республикасының барлык район мәктәпләре катнашында беренче тапкыр 2012 нче елда үткәрелде.

К.Тинчурин исемендәге Халыкара милли драматургия театр фестивале

К.Тинчурин исемендәге Халыкара театр фестивале К. Тинчурин исемендәге Татар дәүләт драма һәм комедия театры, Татарстан Республикасы Мәдәният министрлыгы, Татарстан Республикасы Хөкүмәте һәм Россия Федерациясе Театр әһелләре берлеге ярдәме белән үткәрелә. Беренче фестиваль 1991 елда узды һәм Республика статусына ия булды.